HeadlineSumedang

Ngumpulkeun Informasi Jeung Pangalaman, Pansus Raperda Spbs DPRD Sumedang Studi Banding ka Demak

SUMEDANG, TRIMEKARFM.COM – Panitia khusus (Pansus) Rancangan Peraturan Daerah (Perda) DPRD Kabupaten Sumedang ngeunaan Sumedang Puseur Budaya Sunda (Spbs) ngayakeun studi banding ka Kabupaten Demak, Jawa Tengah, poe Jumaah (25/10).

Rombongan Pansus DPRD anu langsung dipingpin ku Ketua DPRD, Irwansjah putra dibarengan ku Ketua Pansus, Asep Sumaryana, ditarima ku Asisten Bidang Ekonomi – Pembangunan Pemda Demak, Wisnu Sunardi, di gedong Gradhika Bina Praja, Pemda Demak.

Tujuan kagiatan taya lian pikeun ngumpulkeun informasi jeung pangalaman ti Pemkab Demak ngeunaan Perda anu aya patalina jeung budaya.

Nurutkeun Asda Ekbang Kabupaten Demak, Wisnu Sunardi, di ieu kabupaten Perda anu aya patalina jeung budaya teh nyaeta Perda ngeunaan cagar budaya.

Lian ti eta, aya oge peraturan bupati anu ngatur perkara pakean anu diwajibkeun dipake ku aparatur Pemkab Demak. Di antara wae baju batik, pakean adat, jeung baju saragam anu sipatna nasional.

Ketua DPRD Kabupaten Sumedang, Irwansjahputra, satutasna acara pagempungan, nembrakeun pamadeganana, yen ngajadikeun SPBS teh ulang sakadar “jargon”, ulah satengah satengah, tapi kudu jeung prakna bisa dilarapkeun di kumna masarakat Sumedang.

“Spbs kudu jadi hiji kakuatan pikeun jadi mahnit wisata budaya Sumedang,” pokna basa ngobrol jeung kumna rombongan ti Sumedang,sarengsena acara.

Kagiatan studi banding ka Demak, lian ti dipiluan ku 18 anggota Pansus, oge nu milu ieu kagiatan ti Bagian Pemsos BAPPPEDA Sumedang, Bagean Hukum, Bidang Kebudayaan Disparbudpora, Asisten Pemerintahan, jeung Dewan Kebudayaan Sumedang.

Pemkab Sumedang kiwari geus ngusulkeun drap Raperda ngeunaan Spbs ka DPRD Kabupaten Sumedang, anu moal Lila deui baris dibahas dewan. (ts/forkowas)***

Tags

Related Articles

Leave a Reply

Your email address will not be published. Required fields are marked *

Close