HeadlinePendidikan

Bupati Sumedang Masrahkeun Ratusan SK Kepala SD jeung SMP

SUMEDANG, TRIMEKAR – Bupati Sumedang, Dony Ahmad Munir, masrahkeun Surat Keputusan (SK) nu eusina ngeunaan ngangkat jeung nugaskeun 565 kepala SD jeung 72 SMP, nu lumangsung di Pendopo Induk Pusat Pemerintah an (IPP) Kabupaten Sumedang, poe Senen (9/12) kamari.

Eta acara teh diluuhan ku Wakil Bupati, H. Erwan Setiawan, Forum Komunikasi Pimpinan Daerah (Forkopimda), para Pejabat di lingkungan Pemda, koordinator pengawas, Ketua PGRI, Ketua MKKS, Ketua K3S Kabupaten Sumedang, Ketua Dewan Pendidikan, oge para kepala sekolah sa-Kabupaten Sumedang.

Kepala Dinas Pendidikan Kabupaten Sumedang, Agus Wahidin, dina laporanana ngeceskeun, tina jumlah 565 kepala SD aya 88 urang nu promosi, 256 rotasi jeung 221 anu angger kepala sakola keneh.

Ari kepala SMP mah tina jumlah 72 urang teh, nu promosi 9 urang, rotasi 48 jeung anu angger salaku kepala aya 15 urang.

Bupati Sumedang dina biantarana, di antarana mepelingan, sangkan tugas, kapercayaan jeung amanah salaku kepala sekolah kudu bisa dilaksanakeun sahade-hadena kalawan pinuh rasa tanggungjawab.

Bupati Saterusna nandeskeun, yen para kepala sekolah lain wae salaku guru anu nambahan pancen gawena, tapi salaku guru nu di angkat pikeun mingpin satuan pendidikan. (ts/forkowas)***

Tags

Related Articles

Leave a Reply

Your email address will not be published. Required fields are marked *

Close