HeadlineSumedang

Ceuk Ketua Faji Jawa Barat : Tempat Arung Jeram Parakankondang Siga Walungan di Amerika Latin

SUMEDANG, TRIMEKAR – Ketua Federasi Arung Jeram Indonesia (Faji) Jawa Barat, M. Saiful,ST.MM,nyebutkeun kaayaan walungan nu dipake tempat kajuaraan daerah (Kajurda) Arung Jeram tingkat Jawa Barat di wewengkon Parakankondang, Kacamatan Jatigede, Kabupaten Sumedang meh teu beda jeung kaayaan walungan paranti arung jeram tingkat international nu aya di Amerika Latin.

M. Saiful nyebutkeun kitu basa biantara dina acara kagiatan kajuaraan daerah olahraga arung jeram tingkat Jawa Barat di Parakankondang,, Rebo 12 Desember 2019.

Ku sabab kitu, lain pamohalan mun dina mangsa nu bakal datang, di Parakankondang bisa dilaksanakeun kajuaraan arung jeram tingkat international.

Kasaksen hadir ngaluuhan tur muka eta acara Kadis parbudpora Kab. Sumedang, Ketua Koni Sumedang, H. Ali Bajri katut rengrengan, wawakil Satker Jatigede, Forkopimcam, jeung ondangan sejenna.

Ketua Faji Sumedang, Andre Y. Muchtar dina laporanana nyebutkeun, Kajurda Arung Jeram tingkat Jawa Barat anu lumangsung ti 18 nepi ka 22 Desember 2019 dipiluan ku atlet ti 16 kabupaten/kota di Jawa Barat, anu dibagi jadi 64 tim, tiap tim 4-6 urang anu ngawengku jadi 4 kelas kajuaraan.

Kajuaraan arung jeram anu pamianganana ti Parakankondang nepi ka Gendeng, Kacamatan Tomo teh marebutkeun 325 medali. (ts/forkowas)***

Tags

Related Articles

Leave a Reply

Your email address will not be published. Required fields are marked *

Close